Boston

Eftir 15 tíma ferðalag úr Háalundinum vorum við í teppalagðri lyftu á leið upp á herbergið okkar í Boston! Allt ferðalagið gekk ljómandi vel og allir glaðir.  Eftir að hafa kastað mæðinni á herberginu fórum við á japanskt steikhús á hótelinu og fengum okkur sushi og teriaki kjúkling sem var eldaður á borðinu okkar með tilheyrandi hnífaglamri og eldglæringum - Björn sat stjarfur og fylgdist með víetnamska kokkinum elda núðlurnar hans fyrir framan hann hehe gaman að fylgjast með honum.

Á sunnudagsmorgninum sóttum við bílinn okkar næstu 3 vikurnar og lögðum af stað til New York.  Stoppuðum þó í Province og borðuðum og nutum veðursins úti við.  Þegar til New York var komið rúntuðum við aðeins inn í Bronx á meðan ákveðið var hvar næsti gististaður yrði.  Enduðum á ágætis móteli í Hampton og ætlum að renna af stað til Washington DC á morgun. 

Nenni ekki að hlaða inn myndum á þessu hæga neti sem ég er á núna - prófa kannski á morgun.
Tata.

Athugasemdir

[Rósa Rut (IP-tala skráð) 15.6.2009 kl. 10:00]

Sæl kæra vinkona, ég hugsa svo mikið til ykkar þessa dagana, alltaf að spá í hvar þið séuð og hvað þið væruð að bralla. Hlakka svo til að fylgjast með ykkur á blogginu. Kveðjur og kossar til ykkar allra

RR

[Þórdís Arnardóttir (IP-tala skráð) 16.6.2009 kl. 00:05]

frábært að heyra vertu nú dugleg að blogga og koma með ferðasöguna síðar meir verður það skemmtileg dagbók fyrir þig!!!